Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Tirohia mā te reo: Māori Ingarihi

Te ngohe: Te torotoro i te mānutanga me te totohutanga mā te titiro ki ngā waka kōrari - Ngā taumata 1 me 2

Ngā Whāinga Paetae: Te Pū me te More

1.1 me te 2.1 Ka torotoro me te whai wāhi atu ki te nekenga, te mānu, te pana, me te tō. Te Marautanga o Aotearoa (wh. 99) Ō Ahupūngao, Te Tōpana me te Nekenga.

Te putanga ako

Ka taea e au:

  • te whakamātautau matū kia mōhio ai mēnā ka totohu, ka mānu rānei
  • te whakamārama he aha ētahi mea i mānu ai
  • te whakamārama he aha ētahi mea i totohu ai.
Ngā paearu angitu Aromatawai whaiaro Aromatawai ā-hoa Aromatawai ā-kaiako
Tino pai He pai Āhua pai Tino pai He pai Āhua pai Tino pai He pai Āhua pai
Ka taea e au te whakamātautau matū kia mōhio ai mēnā ka totohu, ka mānu rānei.                  
Ka taea e au te whakamārama he aha ētahi mea i mānu ai.                  
Ka taea e au te whakamārama he aha ētahi mea i totohu ai.                  

Ngā utauta

Ngā rawa hōu

Ngā rawa māori

  • H ngōine
  • Kia whā ngā tapawhā rite e 2 cm te rahi o te takai mirumiru
  • Kia whā ngā kōhiku
  • He tēpa hāpiripiri
  • He kutikuti
  • He takakau mātotoru, he wāhanga rahirahi rānei o te kōrari
  • He pēke kiriuhi rimurapa kī i te hau
Rimurapa

Stephen Williams

  • Kia rua ngā rārā hangore (kia 30 cm te roa)
  • He tāhei rahirahi o te harakeke
  • He kutikuti

Te tikanga

Kei tēnei ngohe ka whakamātautau mea koe kia mōhio ai mēnā ka totuhu, ka mānu rānei. Ka taea te whakamahi anō i aua mea hei hanga i tōu ake waka kōrari. Ka āhei koe te kōwhiri i ngā rawa hōu, ngā rawa māori rānei.

1. Tuhia he rārangi o ngā rawa ka whakamahia e koe ki te ripanga i raro. Tuhia he matapae ki te taha o tēnā me tēnā mēnā ka totohu, ka mānu rānei te rawa.

 Te rawa               

Ka mānu, ka totohu rānei?

Ka mānu mārika, ka totohu mārika rānei?

Ko ngā mea tērā pea ka āwhina i te rawa kia mānu, kia totohu rānei.

       
       
       
       

2. Whakamātauria ia rawa ināianei i roto i te wai kia kite mēnā i tika tō matapae mēnā ka totohu, ka mānu rānei. Tuhia he mea tērā pea ka āwhina i te rawa kia mānu, kia totohu rānei.

Ko te āhua nei, ka mānu ētahi rawa i te tuatahi kātahi ka āta totohu; ko te āhua nei hoki, ka totohu ētahi atu i te tīmatanga, engari ka mānu kē i raro i te kārewa. I kite koe i ēnei takahanga me ētahi o ō rawa?

3. Kōwhiria ētahi o ngā rawa i mānu, ka whakamātau ki te pana atu ki te takere o te ipu wai. Ko tēhea te mea kaha atu – te pana o tō ringa ki te rawa, te pana rānei o te rawa ki tō ringa? He ōrite ngā pana e rua?

4. Tirohia ngā rawa i mānu. Ka taea te whakatotohu i ētahi o aua rawa? Me pēhea tēnā e taea ai, ā, ko tēhea te rawa ka kōwhiri koe? Whakamātauria ō ariā ki taua rawa. I totohu rawa?

  • Ki tō whakaaro, ka ahatia te rimurimu kāore ōna pēke kiriuhi whai hau
  • Rangahau he aha i ora ai ētahi momo rimurapa kua whai pēke kiriuhi whai hau?
  • Whakatauritea te takere o tō waka ki tō te waka ama i te pikitia. He aha ngā rerekētanga i waenga i ngā takere e rua?

Mā ngā kaiako

Hoki ake ki runga ^