Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Kahu huruhuru

Ngā tuhituhinga

He kahu huruhuru tēnei. He tino taonga. E mau pai ana ngā here o te muka. Kei raro iho nei tētahi papanga. He wāhanga tēnei i whakatikaina i mua i te taenga mai o te kākahu nei ki a mātou. He whatu ahorua tēnei. Nā reira, i whatua tahitia te kaupapa me ngā huruhuru. He mārama ake te tae o ngā huruhuru nei i tō te kahu kiwi o mua. He maha ngā momo huruhuru kiwi – i ētahi wā he tohu tērā o te pūtakenga mai o te kākahu, arā, ko te wāhi nō reira tonu te kiwi.

Koianei te huruhuru kākāriki o te kererū  – me te huruhuru whero o te kākā. Nō ngā wāhanga rerekē ēnei o te kākā – nō te kiwi ēnei. Nō te kererū te katoa o tēnei wāhanga.

E hia kē nei ngā huruhuru – kāore au e mōhio ki te nui o ngā manu, engari ki tōku mōhio kāore ngā manu i patua mō ngā huruhuru anake. He kai māori te kererū – he nui ake ngā kererū i aua wā – nā reira he māmā noa iho te kimi huruhuru hei whakanikoniko i ngā kākahu.

Hoki ake ki runga ^