Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Korowai

Ngā tuhituhinga

Ka whakapaipaihia te korowai ki te hukahuka pango. E mau ana ngā hukahuka nei ki te kaupapa o te kākahu. Kua whakapaipaihia tēnei ki te pōkinikini hoki – ko ngā rau me te muka o te pōkinikini –  kua whakataengia kia puta mai te tauira nei. Ko te mate nui o ngā papanga Māori katoa ko te whakakinotanga o te muka pango. Kei te taretare haere te kākahu nei. Kei konei ngā maramara o te muka kei runga i te kāri nei. Nā te waikawa i roto i te paru i te wā i whakataengia te muka i whakakino i te muka. Kei te āhua pai pea tēnei. Kua makere atu ngā hukahuka i runga i te nuinga o ō mātau korowai. Te āhua nei, e ū tonu ana te iwa tekau mā waru ōrau pea o ngā hukahuka o tēnei kākahu. Heoi, kei konei ētahi kua ngaro kē te iwa tekau mā rima ōrau o ngā hukahuka. Ko ētahi anō, tata ki te katoa kua ngaro noa atu.

Nā te tae o te muka ka mōhiotia tōna pūmautanga. Ka kaha kē atu te poapoa o te tae, ka tawhito kē atu te muka – he rite tahi ki te parauri me te kōtihetihe o te pepa tawhito. He tea te tae o te muka hou, ā, ka taka te wā, ka parauri te tae – he āhua rite ki te tī. Nāwai, ka ngaro haere te muka i te mea ka maroke, ka kōtihe, ka makuhane. He kākahu tēnei o ia rā. He mea māori noa tēnei.

Hoki ake ki runga ^