Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Tirohia mā te reo: Māori Ingarihi

Te ngohe: Tae putiputi – Te taumata 3

Te Whāinga Paetae: Te Weu

3.1 (ii) Ka tautohu, ka whakarite i ngā panoni pūmau me ngā panoni rangitahi o ētahi matū. Te Marautanga o Aotearoa (wh. 100) Ō Kawekawe, Ngā Āhuatanga me ngā Panoni Matū. 

Te putanga ako

Ka taea e au:

  • te hanga i tētahi wairewa i ngā raupua putiputi
  • te huri i te tae o taku wairewa raupua mā te tāpiri i te waihonga rēmana, i te houra tunutunu rānei
  • te huri anō i te tae o taku wairewa raupua ki te tae taketake mā te tāpiri i te waihonga rēmana, i te houra tunutunu rānei. 
Ngā paearu angitu Aromatawai whaiaro Aromatawai ā-hoa Aromatawai ā-kaiako
Tino pai He pai Āhua pai Tino pai He pai Āhua pai Tino pai He pai Āhua pai
Ka taea e au te hanga i tētahi wairewa i ngā raupua putiputi.                  
Ka taea e au te huri i te tae o taku wairewa raupua mā te tāpiri i te waihonga rēmana, i te houra tunutunu rānei.                  
Ka taea e au te huri anō i te tae o taku wairewa raupua ki te tae taketake mā te tāpiri i te waihonga rēmana, i te houra tunutunu rānei.                  

Ka huri te waihonga o te nuinga o ngā raupua putiputi ina hoatu ki te waikawa. Kei tēnei tūhuratanga, ka kite koe ko ēhea ngā putiputi he tino pai te huri i te tae ina ranua ki tētahi waikawa, ki te kawakore rānei.

Ngā utauta

  • He putiputi
  • He pēke kakati kirihou
  • He paepae mataono tio, he kirihou me te mā
  • He ngōpata kua hangaia mai i te wāhi poto o te pūngote me te 'Blu-Tack' kua peia ki roto i tētahi pito.
  • He waihonga rēmana
  • He houra tunutunu.

Te tikanga

  1. Kohia ētahi putiputi o ngā momo e toru. Kaua ngā momo rerekē e konanu.
  2. Kōwhiria tētahi momo putiputi. Tangohia ngā raupua o te putiputi i tīpako koe, ka puru ki roto i tētahi pēke kakati kirihou.
  3. Hoatu tētahi pune rahi pea o te wai ki ō raupua. Kia tūpato! Kaua e nui rawa te wai. Me noho kukū tēnei wairewa. Kurutētia tonutia ngā raupua i roto i te pēke kia huri rā anō te tae o te wai.
  4. Whakamahia he tīpune, he ngōpata rānei kua hangaia i te pūngote, ka whakawhiti kia 5 pea ngā pata o tō wai raupua ki tētahi wāhanga o te paepae mataono tio.
  5. Tāpiritia tētahi pata waihonga rēmana ki ngā pata e 5 o te wai raupua. Koinei te tae o te wai raupua i muri i te tāpiritanga o te waikawa. Tuhia te huringa tae ki te ripanga kei raro.
  6. Whakawhitia kia 5 ngā pata o tō wai raupua ki tētahi atu wāhanga o te paepae mataono tio. Hoatu ētahi tōpata houra tunutunu ka tuhi i te huringa tae ki te ripanga kei raro. Koinei te tae i muri i te tāpiritanga o te kawakore (te tauaro o te waikawa).
  7. Tukuruatia tēnei whakamātautau mō tēnā me tēnā o ngā momo putiputi rerekē kia mōhio ai ko tēhea te mea pai rawa mō te huri tae ina ranua ki te waikawa.

Tae o te putiputi

Tae o te wai raupua ina tāpiritia te waihonga rēmana

Tae o te wai raupua ina tāpiritia te houra tunutunu

     
     
     
  • Ko tēhea momo putiputi i tino pai rawa te huri tae i te tāpiritanga o te waikawa? 
  • He pūmau, he rangitahi rānei te huringa tae? Me pēhea tō whakamātau i tō whakautu?

Ki hea ināianei?

Ka huri tae ētahi putiputi i runga anō i te momo oneone e whakatipuria ai. Kei te whakatipu nuitia ngā putiputi hydrangea 

Hydrangea

Stephen Williams.

i ngā māra. Kimi mōhiohio mō ngā tae rerekē o ngā putiputi hydrangea. Ko ēhea momo oneone ka huri i te tae? Ko ēhea o aua oneone he waikawa, he kawakore, he ngū rānei?

Hoki ake ki runga ^