Te whakarōpū tipu
Te Whāinga
Kia mātau te ākonga ka taea te whakarōpū tipu e ai ki ngā momo rerekē o te whakaputa uri.
He mea hira te āhukahuka i ngā rerekētanga i waenga i ngā mea oreore, engari, i tua atu, he māmā ake te mātai mēnā kua whakarōpūhia. Nō tētahi rōpūtanga e kīia ana ngā pepeke ngā pepe. Pērā i ērā atu pepeke, e ono ngā waewae o te pepe. Heoi, he maha ērā atu āhuatanga ōrite o ngā pepe me ngā pepeke, pēnei i te anga kōiwi me te āhua e hēhē ai.
He pēhea ngā tipu? Ka pēhea te whakarōpū? Ko te rerekētanga tino hira i waenga i ngā tipu, ko te momo whakaputa uri.