Te ngohe: Te tūhurahura waikano - Ngā taumata 3 me 4
Ngā Whāinga Paetae: Te Weu me te Aka
3.1 (ii) Ka tautohu, ka whakarite i ngā panoni pūmau me ngā panoni rangitahi o ētahi matū. Te Marautanga o Aotearoa (wh. 100) Ō Kawekawe, Ngā Āhuatanga me ngā Panoni Matū.
4.1 (i) Ka whakarōpū i ētahi matū mā te mātakitaki me te ine i ngā āhuatanga ōkiko, kawekawe hoki, pēnei i te kawe hiko, te kawe pōkākā, me te waikawatanga. Te Marautanga o Aotearoa (wh. 101) Ō Kawekawe, Ngā Āhuatanga me ngā Panoni Matū.
Te putanga ako
Ka taea e au:
- te hanga matapaenga mō te ranu mea
- te ranu matū me te whakaahua i ngā panoni
- te tautohu panoni pūmau, ngā panoni rangitahi rānei.
| Ngā paearu angitu | Aromatawai whaiaro | Aromatawai ā-hoa | Aromatawai ā-kaiako | ||||||
| Tino pai | He pai | Āhua pai | Tino pai | He pai | Āhua pai | Tino pai | He pai | Āhua pai | |
| Ka taea e au te hanga matapaenga mō te ranu mea. | |||||||||
| Ka taea e au te ranu matū me te whakaahua i ngā panoni. | |||||||||
| Ka taea e au te whakamārama he aha ētahi mea i totohu ai. | |||||||||
Ngā utauta
- He toutou tī
- He kāpeti pūwhero
- He aniana
- He houra tunutunu
- He winika
- He pire rino turuki pēnei i te Ferrograd kei roto ko te Pākawa Pungatara Rino
- He kapu pepa
- He tīkera
- He ngaruiti
- He tīpune me te naihi
- He kāri mā
- He penehinu wākihi
- He paraihe peita
Kei tēnei tūhuratanga ka waihanga waikano koe e rite ana ki ērā ka hangaia mā te whakamahi i te hīnau, te tānekaha, me te raurēkau. Ka whakamahi kētia e koe he toutou tī, he kāpeti pūwhero, me ētahi aniana pēnei i te ripanga i raro nei.
| Te waikano harakeke | He waikano kua hangaia ki ngā mea whakauru o te kīhini |
|---|---|
| Te hīnau kua ranua ki te paruparu whai rino | Te tī i tāpiritia ai te pire rino |
| Te tānekaha i ranua ki te pungarehu | Te kāpeti pūwhero i tāpiritia ai te houra tunutunu (ko te houra tunutunu he matū ka tāpiritia ki te paura pēkena ka hanga haurehu ina ranua ki te waikawa. Mā te haurehu e piki ai te rēwena.) |
| Te raurēkau | Ngā kiri aniana |
Ka whai wāhi he panoni tae ki ēnei waikano katoa. I mua i te whakahaere i tō tūhuratanga, hangaia he matapaenga.
| Te waikano ka hangaia ki te: | Ko tētahi tae ka puta, ki tō whakaaro? |
|---|---|
| Te toutou tī i tāpiritia ai te pire rino | |
| Te kāpeti pūwhero i tāpiritia ai te houra tunutunu | |
| Ngā kiri aniana |
Te waihanga i te waikano
-
Te waikano toutou tī
Ringihia he hauwhā kapu wai paera ki runga i te toutou tī. Waiho kia waiwai ana mō te meneti kotahi. Tangohia te toutou tī, ka tāpiri i te hauwhā pire turuki rino kua nakunakuhia. -
Te waikano kāpeti pūwhero
Paeratia he kapunga kāpeti pūwhero kua kōripia i roto i te kapu wai mō te 2 meneti. Tangohia ngā rau kāpeti, ka hoatu kia rua ngā tīpune houra tunutunu. -
Te waikano aniana
Paeratia he kapunga kiri aniana i roto i te kapu wai mō te 2 meneti.
- He aha ngā huringa tae e kite ana koe?
| Te matū waikano | Te tae i mua | I muri i te tāpiri i te: | Te tae i muri |
|---|---|---|---|
| He toutou tī | pire rino | ||
| He kāpeti pūwhero | houra tunutunu | ||
| He kiri aniana | wai wera |
- I panoni te tae o ēhea waikano?
Mā te whakamahi i tētahi penehinu toi rauiti tuhia he pikitia māmā i runga i tētahi kāri mā. Peitahia ngā wāhanga o tō pikitia mā te whakamahi i ngā waikano. Me whakarite kia toe tonu ētahi o ō waikano.
Mātakitaki mēnā ka panoni te tae o te waikano e toe tonu ana i muri i te hoatu i tētahi pune rahi o te winika, o te waihonga rēmana rānei.
| Te waikano | Te tae i mua | I muri i te tāpiri i te: | Te tae i muri |
|---|---|---|---|
| He toutou tī | winika | ||
| He kāpeti pūwhero | winika | ||
| He kiri aniana | winika |
- I panoni te tae i ēhea waikano i muri i te tāpiri winika?
- I kite koe i ētahi atu panoni hāunga te tae i muri i te hoatu winika? Ki tō whakaaro, he aha i pērā ai?
- Ki tō whakaaro, ka ahatia te tae o ēnei waikano mēnā ka hoatu koe i te houra tunutunu?
Hoatu he tīpune houra tunutunu ka kite mēnā i tika tō whakaaro.
| Te waikano | Te tae i mua | I muri i te tāpiri i te: | Te tae i muri |
|---|---|---|---|
| He toutou tī | houra tunutunu | ||
| He kāpeti pūwhero | houra tunutunu | ||
| He kiri aniana | houra tunutunu |
- I ahatia i tō hoatunga o te houra tunutunu ki ō wairewa? Ki tō whakaaro, he aha i pērā ai?
Ka pūmau ētahi o ēnei panoni, ka rangitahi ētahi atu. Hei tauira, mēnā ka ranu i te kahu-hua ki te wai, he rangitahi te panoni. Nā te māmā o te whakakore i te wai, mā te waiho kia whakaeto te wairewa, te take e pērā ai. Heoi anō, mēnā ka ranu koe i te kahu-hua ki te waihonga rēmana, ki te winika rānei, ka huri te kahu-hua kia mā, ā, kāore e taea tēnā te whakahoki.
| Te ranunga | He panoni pūmau, rangitahi rānei |
|---|---|
| Te tī kua ranua ki te pire rino | |
| Te kāpeti pūwhero kua ranua ki te houra tunutunu | |
| Ngā kiri aniana kua waiwaitia ki te wai wera |
- Ki tō whakaaro, he aha i rangitahi ai ētahi o ngā panoni kei runga?
- Ki tō whakaaro, he aha i pūmau ai ētahi o ngā panoni kei runga?
Ranua ai ngā mea e tātou i te kīhini hei taka kai. I ētahi wā, ka whai wāhi tētahi panoni pūmau, i ētahi atu ka rangitahi kē te panoni.
- Tuhia he rārangi o ngā panoni pūmau ka tūpono i te kīhini ina taka kai.
- Tuhia he rārangi o ngā panoni rangitahi ka tūpono i te kīhini ina taka kai.
Ka taea te hanga i ngā wairewa i ngā kapu pepa me te whakawera i roto i te ngaruiti.
Mā ngā kaiako
He hononga ki paetuktuku kē mō: