Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Tirohia mā te reo: Māori Ingarihi

Te harakeke whakamīharo

Mai i tō tātou taenga ki Aotearoa e whakamahia ana te harakeke ki te whakanao i ngā mea maha. I ētahi wā, e whakamahia ana te whā katoa, i ētahi atu, ko te muka anake mai i roto i te whā. He kaha me te ukauka te harakeke. Ki ō tātou tūpuna, i pērā te whaihua o te harakeke ki tō te uara o te kirihou i ēnei rā mō te hanga mea.

Te Whāinga

Kia mātau te ākonga he rawa whai uara te harakeke ki te iwi Māori i ngā wā katoa.

He aha ngā mea ka waihangatia ki te harakeke?

Rapu haeretia huri noa i tō rūma ngā mea kua waihangatia ki te kirihou. Ki te kore koe e mōhio, tirohia ngā tapanga kei ō kākahu. Nā, whakaarotia kia ono ngā mea, i te iti rawa, i hangaia ki te harakeke e ō tātou tūpuna. Ina whakaaro koe ki ētahi, pāwhiria te kete i raro kia kite mēnā kua hapa ētahi i a koe. Me āta ārohi ētahi o ēnei taonga kia kite ka pēhea te harakeke e whakamahia ai ki te hohou mea.

Huri noa i Aotearoa, i tapaina e ō tātou tūpuna neke atu i te 60 ngā tūmomo harakeke rerekē. He māmā te hāro i ngā whā o ētahi momo hei hanga muka mō ngā kahu, engari he pai ake ētahi atu momo mō te hanga kete.

Hoki ake ki runga ^