Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Tirohia mā te reo: Māori Ingarihi

Harakeke 3

Ka tipu te harakeke i hea, ka pēhea hoki e whai oranga ai?

Te Whāinga

Kia mātau te ākonga he hiahia ō ngā tipu kia whai oranga ai, kia whakaputa uri ai.

Ko te wāhi noho māori o te harakeke, ko ngā taha o ngā arawai. Nā te tipu pātata ki te wai, he akaaka pāpā ō te harakeke kia kaua e unuhia e te wai rere. He tino pai ēnei akaaka hei pupuri i te oneone kia ngita.

Mā te muka i roto i te whā harakeke te whā e tautoko kia tipu teitei ai. Mā ngā whā rahi, roa anō hoki ka nui o te mārama o te rā i runga i ngā whā. Ka whakamahia te mārama o te rā hei hanga huka i ngā whā kia whiwhi pūngao te tipu. He pūioio ngā whā, nā kua āraia i te hau, ā, he uaua hoki hei kainga mā te kararehe.

He whero ngā puāwai harakeke, ā, he waihonga reka kei roto. Ka whakamanea ēnei i te tūī me te kōmako (korimako), ā, mā ēnei manu te hae e horahora. Kei te hiahiatia te hae kia whanake ai ngā kākano, ā, kia tipu hei harakeke hou.

Hoki ake ki runga ^