Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Tirohia mā te reo: Māori Ingarihi

Te ngohe: He aha ngā wāhanga o te tipu? – Ngā taumata 1 me 2

Ngā whāinga paetae: Te pū me te more

1.1 and 2.1 Ka ako haere ko ētahi hiahiatanga kei ngā mea oreore katoa, kia noho ora ai. Te Marautanga o Aotearoa (wh. 99) te ao tūroa, te rauropi.

Te putanga ako

Ka taea e au:

  • te whakatipu i tētahi tipu mai i te kākano
  • te tā pikitia o te tipu me ōna wāhanga katoa
  • te tapa i ngā wāhanga o te tipu
  • te whakamārama i ngā mahi e mahia ana e ia wāhanga o te tipu.
Ngā paearu angitu Aromatawai whaiaro Aromatawai ā-hoa Aromatawai ā-kaiako
Tino pai He pai Āhua pai Tino pai He pai Āhua pai Tino pai He pai Āhua pai
Ka taea e au te whakatipu i tētahi tipu mai i te kākano.                  
Ka taea e au te tā pikitia o te tipu me ōna wāhanga katoa.                  
Ka taea e au te tapa i ngā wāhanga o te tipu.                  
Ka taea e au te whakamārama i ngā mahi e mahia ana e ia wāhanga o te tipu.                  

Whakatipuria tētahi tipu i roto i te wūru-papahune mai i te kākano. Ko ētahi kākano ka taea ko ngā mea pēnei i te puāwairā, te kirihi, te pīni rānei. Me aha koe kia tipu ora ai tō kākano? Ka pēhea e tipu ora ai te kākano i waho?

Ina tīmata ngā rau ki te tipu, tangohia te tipu katoa, ka tuhi pikitia ki te penerākau. Me whakamahi pea i te karu whārahi hei āwhina i a koe. Tapaina ngā wāhanga katoa o te tipu. Tuhia he rārangi o "Ngā mea e mōhio ana au" , me tētahi rārangi o "Ngā mea kāore anō au kia mōhio" mō te tipu. Kimihia he mōhiohio mō "Ngā mea kāore anō au kia mōhio". Mā wai koe e āwhina ki te kimi i ngā mōhiohio?

Ina mutu tēnā mahi, haere ki waho, ka tuhi i tāu ake tipu harakeke. Tapaina ngā wāhanga katoa, ka whakamārama i ngā mahi a tēnā wāhanga, a tēnā wāhanga.

Mā ngā kaiako

He mea urutau tēnei tūmahi i te ngohe Is a tree a plant?

Hoki ake ki runga ^