Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Tirohia mā te reo: Māori Ingarihi

Te ngohe: Te whakarōpū rau – Ngā taumata 1 me 2

Ngā Whāinga Paetae: Te Pū me te More

1.2 me te 2.2 Ka whakawhitiwhiti whakaaro mō ngā mea oreore, ka whakarōpū i runga i ngā rerekētanga. Te Marautanga o Aotearoa (wh. 99) Te Ao Tūroa, Te Rauropi.

Te putanga ako

Ka taea e au:

  • te whakaahua i ngā hanga o ngā rau rerekē
  • te whakarōpū rau he rite te hanga
  • te tiritiri i ōku ariā ki ētahi atu.
Ngā paearu angitu Aromatawai whaiaro Aromatawai ā-hoa Aromatawai ā-kaiako
Tino pai He pai Āhua pai Tino pai He pai Āhua pai Tino pai He pai Āhua pai
Ka taea e au te whakaahua i ngā hanga o ngā rau rerekē.                  
Ka taea e au te whakamahi i taua whakaahuatanga ki te whakarōpū rau he rite te hanga.                  
Ka taea e au te whakamārama ki ētahi atu i pēhea taku whakarōpū i ngā rau.                  

Te whakarōpū i ngā rau (Word 2007, 2 MB)

He rahi tūturu katoa ngā rau. Rārangitia ngā kupu katoa i whakamahia hei whakaahua i te hanga o ngā rau. Kōwhiria ināianei kia rua o ēnei kupu he tauaro te tikanga, pēnei i te 'roa' me te 'poto'.

  1. I runga anō i ngā kupu kua kōwhiri koe, whakawehea ngā rau ki ngā rōpū e rua.
    1
  2. Nā, kōwhiria kia rua ngā kupu anō he tauaro te tikanga, ka whakawehe i ngā rōpū e rua kei runga ki ētahi anō rōpū e rua. Ko te tikanga, kia whā ō rōpū ināianei.
    2
  3. Nā, kōwhiria kia rua ngā kupu anō he tauaro te tikanga, ka whakawehe i ngā rōpū e rua kei runga ki ētahi anō rōpū e rua. Ko te tikanga, kia waru ō rōpū ināianei. 
    3
  4. Tirohia ngā āhua i whakawehe ai ētahi atu ākonga i ā rātou rau. He aha ngā rerekētanga i waenga i ō rōpū me ō rātou rōpū?

Ki hea ināianei?

  • Me pēhea te whakawehe anō pea i ngā rōpū?
  • Mēnā ka tīmata anō tātou, ka taea tētahi atu āhua whakarōpū rerekē?
  • He aha ētahi atu mea oreore ka taea te whakarōpū?

Mā ngā kaiako

Hāunga te whakamahi whakaahua o ngā rau, ka taea te whakamahi i ngā ētahi rau ake nō te ngahere, pēnei i ērā kei runga i te pepamahi tā: kawakawa (1), raurekau (2), makomako (3), mahoe (4), whauwhaupaku (5), tawai (6), rangiora (7) me te ngaio (8). He tino āwhina The life size guide to native trees nā Andrew Crowe mō te tautuhi tipu e kitea nuitia ana i ngā ngahere o Aotearoa. He mea tango tēnei tūmahi i Leaves Sort-up.

He tino āwhina te pukapuka The Life Size Guide to Native Trees nā Andrew Crowe mō te tautuhi tipu e kitea nuitia ana i ngā ngahere o Aotearoa. He mea tango tēnei tūmahi i Leaves Sort-up. Ka whai wāhi ki ngā kupu whakaahua i ngā rau ko te roa, te poto, te mōmona, te tūpuhi, te tapa more me te tapa mimira. Ka pēnei pea ā ngā ākonga whakarōpū rau ki tēnei hoahoa:

4

Hoki ake ki runga ^