Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Tirohia mā te reo: Māori Ingarihi

Te toi whākano

Te Whāinga

Kia mātau te ākonga ka whakamahia te tangai i ētahi rākau rerekē e ētahi iwi Māori ki te whākano i te muka kia pango, kia parauri, kia kōwhai rānei.

Ka whakanikoa ētahi o ngā kahu motuhake ki te tāniko. Ka hangaia te tāniko ki te muka he mea whākano ki te waikano i hangaia ki te tangai rākau. Kātahi ka whatua te muka whākano ki roto i te tāniko.

Te Hīnau – he pango

Black muka

Stephen Williams

Ka tīhoretia he pito tāngengangenga o te tangai hīnau, ka paeratia ēnei i te wai hei waihanga i te wairewa kōwhai. Ka waiwaitia te muka i tēnei wairewa, ka whakawhitia ki te paruparu kī i te rino. Ka whakapango tēnei i te muka. Ka horoia te muka, ka waiho hei whakapō i raro i te kaha whitinga o te rā.

Te Tānekaha – he ura

Brown Muka

Stephen Williams

Ka waiwaitia te muka ki te tangai tānekaha kua paeratia, kātahi ka miria ki te pungarehu, ka horoia. I muri i te rongoātanga ki te pungarehu, ka huri te tānekaha i te pākākā kōmā ki te ura. 

Te Raurēkau – he kōwhai

Muka kōwhai

Stephen Williams

Ka ākatia atu te tangai o waho me te tangai o roto i te raurēkau kia puta mai tētahi paparanga para-karaka. Ka hohoretia tēnei paparanga i te taitea ka paeratia i te wai. Ina purua te muka ki roto i tēnei waikano, ka whākanotia te muka kia kōwhai te tae.

Tāniko

Te tauwhitiwhiti: Whakaingoatia tērā waikano: Ngā taumata 1–4. He ngohe pāhekoheko ēnei e āhei ai ngā ākonga te whakamātautau i ngā wairewa waikano e toru kia mōhio ai ka whakaputaina e tēhea waikano ngā tae: kōwhai, ura, me te pango.

He pēhea te āhua o ngā rākau raurēkau, tānekaha me te hīnau?

He rau

Nō ngā rākau raurēkau, tānekaha, me te hīnau ēnei rau e toru. Whakamahia te tauwhitiwhiti "Kī tautuhi – He aha tēnei rākau?" kia mōhio ai nō tēhea rākau ia rau.

Te tauwhitiwhiti: Kī tautuhi – He aha tēnei rākau?

He pēhea te āhua o ngā rākau raurēkau, tānekaha me te hīnau (Word 2007, 526 KB)

Hoki ake ki runga ^