Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Tirohia mā te reo: Māori Ingarihi

Te whakamahi waikano hei whakamātau mō te waikawatanga

Te Whāinga

Kia mātau te ākonga ka taea te whakamahi waikano hei ine te waikawatanga o ngā matū.

Ka huri tae te nuinga o ngā waikano tipu ina ranua ki tētahi waikawa, ki tetahi kawakore. E kīia ana aua matū he pūtohu. Ka huri te waikano tānekaha i te parauri ki te ura ina tāpiritia he kawakore. Ka huri te waikano raurēkau kia kōwhai ina tāpiritia he waikawa, ka huri kia karaka ina tāpiritia he kawakore.

Ka tauhohe ngā waikawa ki ngā matū maha, tae atu ki te hēki mata me te miraka. Ka hanga waikawa tō puku ka āwhina ki te whakapopo i ō kai. Ko te kawakore te tauaro o te waikawa. E hangaia ana ētahi pire mate-ā-puku i ngā kawakore. Ka āwhina te kainga o aua pire kia whakakorea te nuinga rawa o te waikawa i te puku. Ina ranu ngātahitia te waikawa me te kawakore, ka whakakore tētahi i tētahi mā te huri hei wai me tētahi matū hou e kīia ana he pāhare. Ehara ngā matū pēnei i te pāhare me te wai i te waikawa, i te kawakore rānei. He ngū ēnei.

Ka whakamahi ngā ngohe e rua kei ngā whārangi e whai ake nei i te waihonga mai i ngā raupua hei whakamātautau i ngā matū mai i te kīhini kia kite ai mēnā he waikawa, he kawakore rānei aua matū.

Hoki ake ki runga ^