Te ngohe: Te hanga waka kōrari - Ngā taumata 1–3
Ngā Whāinga Paetae: Te Pū me te More
1.1 me te 2.1 Ka torotoro me te whai wāhi atu ki te nekenga, te mānu, te pana, me te tō. Te Marautanga o Aotearoa (wh. 99) Ō Ahupūngao, Te Tōpana me te Nekenga.
Ngā Whāinga Paetae: Te Weu
3.1 Ka torotoro, ka whai wāhi atu ki ngā tītohunga ā-rongo o te nekenga me te rere. Te Marautanga o Aotearoa (wh. 100) Ō Ahupūngao, Te Tōpana me te Nekenga.
Te putanga ako
Ka taea e au:
- te kōwhiri rawa mō taku waka kōrari e māmā ake ai te mānu
- te hanga waka kōrari
- te whakauru ki te hoahoa o taku waka kōrari i ētahi rawa e rōnaki atu ai te mānu i te wai.
| Ngā paearu angitu | Aromatawai whaiaro | Aromatawai ā-hoa | Aromatawai ā-kaiako | ||||||
| Tino pai | He pai | Āhua pai | Tino pai | He pai | Āhua pai | Tino pai | He pai | Āhua pai | |
| Ka taea e au te kōwhiri rawa mō taku waka kōrari e māmā ake ai te mānu. | |||||||||
| Ka taea e au te hanga waka kōrari. | |||||||||
| Ka taea e au te whakauru ki te hoahoa o taku waka kōrari i ētahi rawa e rōnaki atu ai te mānu i te wai. | |||||||||
Ngā utauta
| Ngā rawa hōu | Ngā rawa māori |
|---|---|
|
|
Kei tēnei ngohe ka hanga koe i tōu ake waka kōrari mā te whakamahi i ngā rawa he māmā te whiwhi. Ka āhei koe te kōwhiri ki te hanga i tō waka ki ngā rawa hōu, ki ngā rawa māori rānei.
Ka noho tō waka kōrari hei tauira i waenga i te 22 ki te 30 cm te roa. Me rōnaki haere i te wai karekare, me uaua hei huripoki. Me whai tūru kotahi, i te itinga rawa, me te whai mokowā anō hoki mō ngā waewae o tētahi tangata. Whakamahia he tangata karetao hei utanga, kaua rānei, kei a koe te tikanga.
- He aha i hira ai kia whai rimurapa te waka kōrari hei wāhanga o tōna hanga? Kei hea te wāhanga tino pai rawa hei whakanawenawe i te rimurapa i roto i te waka?
- He aha te raru ka puta mai pea mēnā kāore i whakaurua ngā pou rākau i te hanganga o te waka kōrari?