Waka ama

I hangaia tuatahitia te waka ama ki te poro rākau kua whakakōakatia, ā, ka herea te amatiatia ki te taura, he mea hanga i te harakeke. I ēnei rā, hangaia ai te waka ama ki te kaka kōata, ka hoahoatia mō ngā tauwhāinga. He hākinakina ā-ao te tauwhāinga waka ama, he mea e paingia ana huri noa i Te Moananui-a-Kiwa, ina koa i Aotearoa nei.

Te hanganga o te waka ama

Te hoahoa o te waka ama

Kia tere ai te rere i te wai, me whai takere māeneene, whāiti hoki te waka ama. He koropuku te āhua o te takere. E pēnei ana nā te mea, ahakoa te nui, ko te wāhanga koropuku te āhua he tino iti rawa te horahanga o te takere ka pā ki te wai. Ko te tikanga o tēnei, he māmā atu te tere o te waka mā te wai ina whakatauritea ki ētahi atu āhua takere. Heoi anō, he raruraru tō te takere koropuku, he kaha atu te tūpono ka huripoki. Hei aukati i te huripoki, he amatiatia tō te waka, he mea roa me te rahirahi.

He topenga o tētahi waka whai takere koropuku