He kupu whakamārama mō ngā kahu

I te taenga mai o ō tātou tūpuna ki Aotearoa he mea hanga ngā kākahu i mau i taua wā ki te papanga tapa i hangaia ki te tangai o te rākau aute. He whenua makariri rawa a Aotearoa mō te whakatipu rākau aute, nō reira ka āta whakaaro ō tātou tūpuna me pēhea te hanga i ngā kākahu hou. I whakamahia e rātou te harakeke hei hanga piupiu me ngā kahu. 

Museum of New Zealand Te Papa Tongarewa. Registration no. ME014404	Museum of New Zealand Te Papa Tongarewa. Registration no. ME015605
Museum of New Zealand Te Papa Tongarewa. Registration no. ME002061	Museum of New Zealand Te Papa Tongarewa. Registration no. ME012023

He mea hoahoa ētahi kahu kia aukati wai me te whakarere i te ua; i pērā te mārō o ētahi atu, ka taea te ārai i te kōkō huata; engari mā te rangatira anake ētahi atu, ā, kua whai korohunga tāniko whaikano.

Museum of New Zealand Te Papa Tongarewa. Registration no. ME000769	Museum of New Zealand Te Papa Tongarewa. Registration no. WE000801
Museum of New Zealand Te Papa Tongarewa. Registration no. ME002054

Te tiaki i ā tātou taonga

Neke atu i te 250 tau te tawhito o ētahi kahu. Nā te tawhito rawa kua kōtihetihe te muka i roto, ā, he mahi uaua te neke kei pakaru. Nā te tawhito haere o te muka me tā te muka whakanao i te waikawa winika tērā ka whakakongakonga i te muka te take i pērā ai. Kua tūtaki kē koe i te waikawa winika. Koia te mea whakauru matua o te winika. He nui atu ngā waikano winika o ngā muka i whakapangotia mō te piupiu me te kahu tāniko, tēnā i ō te muka kāore i whākanotia. Ko te tikanga nei, ka tere atu te kongakonga haere o te muka pango i tō te muka kāore i whākanotia. 

Ki tō whakaaro, he aha i hira ai kia tiaki tātou i ā tātou taonga mai i neherā?

Kei Te Papa Tongarewa e whakamātau ana ngā kaipenapena ki te rongoā i ēnei kahu hei ārai i te kongakonga haere. I mahi a Rangi Te Kanawa me te kohinga o ngā kahu ki te whakarite i ēnei mō tētahi whakaaturanga e kīia ana Kahu Ora – He mahi nā ō tātou tūpuna, hei pupuri mō ā tātou uri whakatupu.