Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Tirohia mā te reo: Māori Ingarihi

Te ngohe: Te wehewehe i ngā momo pepe - Ngā taumata 3 me 4

Ngā Whāinga Paetae: Te Weu

3.2 Ka whakarōpū whānui ā-pūtaiao i ētahi rauropi. Te Marautanga o Aotearoa (wh. 100) Te Ao Tūroa, Te Rauropi.

4.2 Ka whakarōpū whāiti ā-pūtaiao i ētahi rauropi. Te Marautanga o Aotearoa(wh. 101) Te Ao Tūroa, Te Rauropi.

Te putanga ako

Ka taea e au:

  • te whakaahua i ngā ritenga i waenga i ētahi momo pepe e rua
  • te whakaahua i ngā rerekētanga i waenga i ētahi momo pepe e rua
  • te tuhituhi whakautu ka whakaatu i te rerekētanga i waenga i ngā pepe harakeke.
Ngā paearu angitu Aromatawai whaiaro Aromatawai ā-hoa Aromatawai ā-kaiako
Tino pai He pai Āhua pai Tino pai He pai Āhua pai Tino pai He pai Āhua pai
Ka taea e au te whakaahua i ngā ritenga i waenga i ētahi pepe e rua.                  
Ka taea e au te whakaahua i ngā rerekētanga i waenga i ētahi pepe e rua.                  
Ka taea e au te tuhituhi whakautu ka whakaatu i te rerekētanga i waenga i ngā pepe harakeke.                  

Ko te tae he rerekētanga ka kitea i waenga i ēnei pepe. Me pēhea rānei te wehewehe i ēnei pepe? Tuhia he rārangi o ngā ritenga me ngā rerekētanga i waenga i ēnei pepe.

Mā te ngohe e whai nei ka tuhituhi pātai koe ka whakaatu i ētahi rerekētanga i waenga i ngā pepe harakeke.

1. Tapahia he whakaahua pango me te mā o te pepe matapihi harakeke me te pepe harakeke kāniwha.

2. Tuhia he pātai mō ngā rerekētanga i waenga i ngā pepe e rua ki tētahi huinga kāri whakaatu. Tuhia te whakautu ki te pātai ki te tahatua o ia kāri.

3. Whakaaturia ngā whakaahua o ngā pepe ki tangata kē, ka tono i a ia ki te whakamahi i ō pātai kia mōhio ki ngā ingoa o ngā pepe. Ka taea e ia te whakarite i ana whakautu ki ērā kei te tahatua o te kāri.

  • I pēhea te pai o āu pātai?
  • I taea e tērā atu tangata te mātau ki te rerekētanga i waenga i ngā pepe e rua?
  • Ka pēhea tō whakarerekē i ō pātai?
Black and white window moth
Black and white notch moth

Hoki ake ki runga ^