Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Tirohia mā te reo: Māori Ingarihi

Waikano 2

Te ngohe – I pēhea ō tātou tūpuna i whakawhanake ai i ngā waikano harakeke? Ngā taumata 1–4

Ngā Whāinga Paetae: Te Pū me te More

1.2 me te 2.2 Ka ako haere i ngā whakamahinga o ngā matū e mōhio whānuitia ana, me te hono ki ngā āhuatanga e kitea ana. Te Marautanga o Aotearoa (wh. 99) Ō Kawekawe, Te Whakamahi Pūmatū.

Ngā Whāinga Paetae: Te Weu me te Aka

3.2 me te 4.2 Ka whakahāngai i ngā āhuatanga ōkiko, kawekawe hoki o ētahi tūmomo matū ki te whakamahinga hangarau, ki te tukanga māori rānei. Te Marautanga o Aotearoa (wh. 100 me te 101) Ō Kawekawe, Te Whakamahi Pūmatū.

Te putanga ako

Ka taea e au:

  • te whakapuaki i ōku whakaaro mō ngā āhua i whakawhanake ai ō tātou tūpuna i ngā waikano harakeke.
  • te rangahau i ngā āhua i tukuna iho ai e ō tātou tūpuna ō rātou mōhiotanga ki ngā waikano.
  • te whakaatu mārama i ōku ariā
  • te tiritiri i ōku ariā ki ētahi atu.
Ngā paearu angitu Aromatawai whaiaro Aromatawai ā-hoa Aromatawai ā-kaiako
Tino pai He pai Āhua pai Tino pai He pai Āhua pai Tino pai He pai Āhua pai
Ka taea e au te whakapuaki i ōku whakaaro mō ngā āhua i whakawhanake ai ō tātou tūpuna i ngā waikano harakeke.                  
Ka taea e au te rangahau i ngā āhua i tukuna iho ai e ō tātou tūpuna ō rātou mōhiotanga ki ngā waikano.                  
Ka taea e au te tiritiri i ōku ariā ki ētahi atu.                  

Ki ō whakaaro, i pēhea ō tātou tūpuna i whakawhanake ai i ngā waikano harakeke (pēnei i te hīnau, te tānekaha, me te raurēkau)? He aha pea ngā tirotirohanga me ngā whakamātauranga i tutuki i ō tātou tūpuna kia taea ai ngā waikano harakeke te whakawhanake? I pēhea te tukunga iho o te tikanga mai i tētahi whakatipuranga ki te mea i whai ake? I a wai te haepapa mō tērā?

Uia tō whānau me ō kaumātua mēnā e mōhio ana rātou ki ētahi atu āhua i whākanotia ai te harakeke e ō tūpuna, ka whakauru i taua mōhiohio ki tō whakaaturanga. He pūrongo, he kōrero, he whakaari rānei ngā momo whakaaturanga ka taea.

Hoki ake ki runga ^