He aha i hurihia ai te tae o ngā waikano e whakamahia ana ki te harakeke? - Ngā taumata 3 me 4
Te Whāinga
He aha e huri nei te waikano hīnau kia pango?
He nui te tanini. Ka paheko te tanini ki ngā pāhare rino i te paruparu motuhake hei hanga i te waikano tanini-rino pango.
He aha e huri nei te waikano tānekaha kia ura?
Ka ura haere te tānekaha ina miria ki te pungarehu. Nā te konurehu pākawa waro (he paura mā ka kitea i te pungarehu ka whano pērā i te houra tunutunu) kei roto i pēnei ai te huringa o te tae o te waikano. He kawakore te konurehu pākawa waro, ā, koia te tauaro o te waikawa. Ina ranua ngā waikawa me ngā kawakore ka whakakore tētahi i tētahi, ā, kua kore e tauhohe.
Te muka kua whākanotia ki te waikano tānekaha parauri + te pungarehu → te muka kua whākanotia ki te waikano tānekaha ura.
Ka taea te whakahoki i te waikano tānekeha ura ki te waikano tānekeha parauri mā te tāpiri i te waikawa.