Waikano 5
Te ngohe – He kōrero mō ngā waikano. Ngā taumata 1 me 2
Ngā Whāinga Paetae: Te Pū me te More
1.2 me te 2.2 Ka ako haere i ngā whakamahinga o ngā matū e mōhio whānuitia ana, me te hono ki ngā āhuatanga e kitea ana. Te Marautanga o Aotearoa (wh. 99) Ō Kawekawe, Ngā Āhuatanga me ngā Panoni Matū.
Te putanga ako
Ka taea e au:
- te whakaingoa i tētahi tipu, kararehe rānei e whakamahia ana hei waikano
- te whakamārama ka pēhea tēnei waikano e hangaia ai
- te whakaatu mārama i ōku ariā
- te tiritiri i ōku ariā ki ētahi atu.
| Ngā paearu angitu | Aromatawai whaiaro | Aromatawai ā-hoa | Aromatawai ā-kaiako | ||||||
| Tino pai | He pai | Āhua pai | Tino pai | He pai | Āhua pai | Tino pai | He pai | Āhua pai | |
| Ka taea e au te whakaingoa i tētahi tipu, kararehe rānei e whakamahia ana hei waikano. | |||||||||
| Ka taea e au te whakamārama ka pēhea tēnei waikano e hangaia ai. | |||||||||
| Ka taea e au te whakaatu mārama i ōku ariā. | |||||||||
| Ka taea e au te tiritiri i ōku ariā ki ētahi atu. | |||||||||
Kōwhiria he waikano māori hei rangahau. Ko ētahi tauira o ngā waikano ko te:
- raurēkau
- hawahawa (he karera te tae o ngā hawahawa e tipu ana i ngā ara hīkoi; ko ētahi e kitea ana i ngā kōhatu he karaka te tae, ā, ka tautau ētahi atu i ngā peka rākau i te ngahere)
- 'cochineal' (he waikano whero mō ngā kai).
Rapua he mōhiohio anō mō te ahunga mai i ēnei waikano, me te āhua e whakaritea ana. Whakaaturia ō mōhiohio ki te akomanga. Mēnā ka taea, whakamahia he tauira o tō matū i tō whakaauturanga.