Harakeke 3
Te ngohe: Ka pēhea te harakeke e whai oranga ai? – Te taumata 3
Te whāinga paetae: Te weu
3.1 Ka ako haere i ngā āhuatanga motuhake o ngā rauropi e whai oranga ai tēnā me tēnā. Te Marautanga o Aotearoa (wh. 100) te ao tūroa, te rauropi.
Te putanga ako
Ka taea e au:
- te tautohu i ngā hanganga o te harakeke e kawe ana i ngā tukanga koiora.
| Ngā paearu angitu | Aromatawai whaiaro | Aromatawai ā-hoa | Aromatawai ā-kaiako | ||||||
| Tino pai | He pai | Āhua pai | Tino pai | He pai | Āhua pai | Tino pai | He pai | Āhua pai | |
| Ka taea e au te tautohu i ngā hanganga o te harakeke e kawe ana i ngā tukanga koiora. | |||||||||
Ka whakamahi ngā mea oreore katoa i ngā tukanga maha kia whai oranga tonu, pēnei i:
- te miti kai, te hanga kai rānei
- te huri i ngā kai hei whakaputa pūngao
- te tipu
- te whakaputa uri
- te whakaputa para kāore e hiahiatia ana
- te aro ki te taiao
- te neke.
He mahi rerekē ā ngā wāhanga rerekē o te tipu harakeke kia whai oranga tonu. Whakamātauria te ngohe e whai ake nei kia kite he aha ngā mea e mōhio ana koe o nāianei mō te tipu. Tuhia ngā mea kāore koe i te mōhio.
Tauritea te rārangi o 'Te hanganga harakeke' ki te rārangi 'Te mahi a te hanganga':
| Te hanganga harakeke | Te mahi a te hanganga |
|---|---|
| Te akaaka | Ka pihi mai te pihinga i tēnei pūwāhi |
| Te whā | Ka pupuri matika i te puāwai mō te haenga |
| Te kakau | He tauranga mā te tipu, ka miti i te wai |
| Te rito | Ka hanga kai mā te tipu mā te whakamahi i te hauhā, te wai, me te mārama o te rā |
| Te pūhui hua | He paura matarehu e whakaputaina ana e ētahi tipu ina whakaputa uri |
| Te puāwai | He kēhi ka huaki ina rite ngā kākano mō te tuku |
| Te para (te paparanga wākihi o te whā) | He reka ki te manu me te pī |
| Te hae kei roto i ngā puāwai | Te wāhi whakaputa uri |
| Te waihonga kei roto i ngā puāwai | Ka ārai i te tauraki haere o te whā |
Ka kitea he mōhiohio anō mō te whā harakeke mā te pāwhiri i ngā karu whārahi kei raro.
Whakamātauria anō kia whakataurite i ngā hanganga o te tipu harakeke ki ngā mahi a aua hanganga.
Mā ngā kaiako
Anei ngā whakautu tika mō te ngohe i runga ake rā:
| Te hanganga harakeke | Te mahi a te hanganga |
|---|---|
| Te akaaka | He tauranga mā te tipu, ka miti i te wai |
| Te whā | Ka hanga kai mā te tipu mā te whakamahi i te hauhā, te wai, me te mārama o te rā |
| Te kakau | Ka pupuri matika i te puāwai mō te haenga |
| Te rito | Ka pihi mai te pihinga i tēnei pūwāhi |
| Te pūhui hua | He kēhi ka huaki ina rite ngā kākano mō te tuku |
| Te puāwai | Te wāhi whakaputa uri |
| Te para (te paparanga wākihi o te whā) | Ka ārai i te tauraki haere o te whā |
| Te hae kei roto i ngā puāwai | He paura matarehu e whakaputaina ana e ētahi tipu ina whakaputa uri |
| Te waihonga kei roto i ngā puāwai | He reka ki te manu me te pī |