Harakeke 4
Te ngohe: Kapea aku tipu! – Ngā taumata 1 me 2
Te Whāinga Paetae:
Kia mātau te ākonga he āhuatanga ō te harakeke ka āwhina i a ia kia whai oranga i tōna nōhanga
He tino pai ētahi tipu ki te whakanao matū kia ārai i te kainga e te pepeke. Mai i neherā, e whakamahi ana ngā tāngata i ngā iheunga tipu hei rāhui atu i ngā pepeke i ā rātou tipu. Kīia ai aua matū he ārai pepeke, he patungārara rānei. Kotahi te patungārara e mōhio whānuitia ana, e hokona ana hoki huri noa i te ao ināianei, ko te pyrethrum tēnā. He matū tēnei mai i ngā raupua o te puāwai chrysanthemum.
Ngā Whāinga Paetae: Te Pū me te More
1.3 (ii) me te 2.3 (ii) Ka mārama haere ki ngā āhuatanga o ia mea oreore e rite ana kia whai oranga ai ia i tōna ake wāhi noho Te Marautanga o Aotearoa (wh. 99) Te Ao Tūroa, Te Taiao.
Te putanga ako
Ka taea e au:
- te tapa tipu e whakamahia ana hei ārai pepeke
- te whakamārama me pēhea te whakamahi i aua tipu hei rāhui pepeke
- te whakamārama he aha ngā tipu e whakanao nei i ngā ārai pepeke.
| Ngā paearu angitu | Aromatawai whaiaro | Aromatawai ā-hoa | Aromatawai ā-kaiako | ||||||
| Tino pai | He pai | Āhua pai | Tino pai | He pai | Āhua pai | Tino pai | He pai | Āhua pai | |
| Ka taea e au te tapa tipu e whakamahia ana hei ārai pepeke. | |||||||||
| Ka taea e au te whakamārama me pēhea te whakamahi i aua tipu hei rāhui pepeke. | |||||||||
| Ka taea e au te whakamārama he aha ngā tipu e whakanao nei i ngā ārai pepeke. | |||||||||
Kua whakamahia katoatia te ngaio, te horopito, me te kānuka hei ārai pepeke. Kimi mōhiohio i tō whānau, i ō kaumātua, i te Ipurangi anō hoki mō ngā āhua e whakamahia ana o ngā tipu e ētahi iwi Māori hei ārai pepeke. Ki tō whakaaro, he aha ngā tipu e whakanao nei i ngā ārai pepeke? Rapua ēnei rau o ngā rākau kua kōrerotia i te ngahere me te whakauru ki tō whakaaturanga.