Harakeke 5
Te ngohe: He pēhea ngā anuhe harakeke e kai ai i te whā? – Te taumata 3
Te Whāinga Paetae: Te Weu
3.1 Ka ako haere i ngā āhuatanga motuhake o ngā rauropi e whai oranga ai tēnā me tēnā. Te Marautanga o Aotearoa (wh. 100) Te Ao Tūroa, Te Rauropi.
Te putanga ako
Ka taea e au:
- te tuhi i te pane o te anuhe
- te hanga i tētahi tauira o te pane anuhe kei roto ko ngā kauae ka tapahi kāniwha ki roto i te whā
- te hanga i ngā kauae ka waruwaru i te whā kia puta mai he kōhao
- te whakamārama ki ētahi atu ka pēhea te anuhe e kai whā ai.
| Ngā paearu angitu | Aromatawai whaiaro | Aromatawai ā-hoa | Aromatawai ā-kaiako | ||||||
| Tino pai | He pai | Āhua pai | Tino pai | He pai | Āhua pai | Tino pai | He pai | Āhua pai | |
| Ka taea e au te tuhi i te pane o te anuhe. | |||||||||
| Ka taea e au te hanga i tētahi tauira o te pane anuhe kei roto ko ngā kauae ka tapahi kāniwha ki roto i te whā. | |||||||||
| Ka taea e au te hanga i ngā kauae ka waruwaru i te whā kia puta mai he kōhao. | |||||||||
| Ka taea e au te whakamārama ki ētahi atu ka pēhea te anuhe e kai whā ai. | |||||||||
Tirohia te pane anuhe mā tētahi karu whārahi, ka whakataurite ki te tuhinga i raro nei o tētahi pane anuhe. Kei waho ngā kauae i te waha, ka neke tītaha me te kome i ngā wāhi whā. Tirohia kia kite mēnā ka taea e koe te kite i ngā kauae i tō anuhe. Tuhia te pane o tō anuhe.
E rua ngā momo anuhe ka kai i te whā harakeke. He kauae ō tētahi o ngā anuhe ka ngau i te kāniwha i te whā. He kauae ō tērā atu momo anuhe ka waruwaru a runga o te whā, nāwai ā, ka puta he kōhao. Ki ō whakaaro, ka pēhea ngā kauae o ia momo anuhe?
Hangaia he tauira o tō te anuhe pane me ngā kauae ka taea te tango atu, pēnei i te huinga niho hori pea. Hangaia kia rua ngā huinga kauae ka taea te tango atu, ka uru pai ki roto i te pane o te anuhe. Ka tapahi kāniwha tētahi huinga kauae ki te whā, ka waru rua tērā atu ki roto i te whā. Whakamārama ki ētahi atu i te akomanga ka pēhea ō kauae e mahi ai. He pēhea te rite o ō kauae ki ngā kauae o ērā atu tāngata i tō akomanga? He kauae mō ngā take motuhake ō ēhea atu rōpū kararehe?
Ka āhei koe te hanga i tāu ake tauira o te pane anuhe, te whakamahi rānei i te tātauira kei raro nei.
