Te Ngohe – Me pēhea te wehewehe i ngā momo pepe? Ngā Taumata 1 me 2
Ngā Whāinga Paetae: Te Pū me te More
1.2 me te 2.2 Ka whakawhitiwhiti whakaaro mō ngā mea oreore, kia whakarōpū i runga i ngā rerekētanga. Te Marautanga o Aotearoa (wh. 99) Te Ao Tūroa, Te Rauropi.
Te Putanga Ako
Ka taea e au:
- te whakaahua i ngā ritenga i waenga i ētahi momo pepe e rua
- te whakaahua i ngā rerekētanga i waenga i ētahi momo pepe e rua.
Ngā Paearu Angitu
Ka taea e au te whakaahua i ngā ritenga i waenga pepe. ☺
Ka taea e au te whakaahua i ngā rerekētanga i waenga pepe. ☺
Ko te tae he rerekētanga ka kitea i waenga i ēnei pepe. Me pēhea kē te wehewehe pea i ēnei pepe? Tuhia he rārangi o ngā ritenga me ngā rerekētanga i waenga i ēnei pepe.