Te Ngohe – Te ora tōkai o te tipu (Wāhanga 2). Te Taumata 4
Ngā Whāinga Paetae: Te Aka
4.2 Ka whakarōpū whāiti ā-pūtaiao i ētahi rauropi. Te Marautanga o Aotearoa (wh. 101) Te Ao Tūroa, Te Rauropi.
Te Putanga Ako
Ka taea e au:
- te whakaahua ka pēhea ētahi tipu rerekē e whakaputa uri ai
- te whakarōpū tipu mā te āhua whakaputa uri.
Ngā Paearu Angitu
Ka taea e au te whakaahua ka pēhea ngā tipu rerekē e whakaputa uri ai.
Ka taea e au te whakarōpū tipu mā te āhua whakaputa uri.
| Success criteria | Self-assessment | Peer assessment | Teacher assessment | ||||||
|
|
|
|
|
|
|
|
|
|
| I can … | |||||||||
Nō tētahi rōpūtanga tipu ko te momo whakaputa uri te pūtake te punga, te harakeke, te rimu, me te kōwhai. Kimi mōhiohio i tō whānau, i ō kaumātua, i te Ipurangi anō hoki mō ngā āhua whakaputa uri o ēnei tipu. Me whakamahi i ō tuhinga mai i Te Wāhanga 1 o 'Te ora tōkai o te tipu'. Ina mōhio ka pēhea aua tipu e whakaputa uri ai, rapua ngā ingoa o ētahi atu tipu nō tēnā me tēnā o aua rōpū. Whakamārama atu ki ētahi atu he aha koe i kōwhiri ai i aua tipu. He aha ngā tipu i kōwhiri koe e rite nei ki te punga, te harakeke, te rimu, me te kōwhai?