Waikano 6
Te ngohe: Te hanga hopi – Ngā taumata 1 me 2
Ngā Whāinga Paetae: Te Pū me te More
1.1 me te 2.1 Ka mātakitaki me te whakamārama i ngā āhuatanga nui, pēnei i te tae, i te kakano, i te rongo, o ngā matū e mōhio whānuitia ana, me ngā panoni e puta mai i te ranu, i te whakawera, i te whakamātao rānei i te matū. Te Marautanga o Aotearoa (wh. 99) Ō Kawekawe, Ngā Āhuatanga me ngā Panoni Matū.
Te putanga ako
Ka taea e au:
- te hanga poro hopi
- te whakaahua i ngā panoni ka tūpono ina whakaweratia te hopi, ka whakamātaotaotia rānei.
| Ngā paearu angitu | Aromatawai whaiaro | Aromatawai ā-hoa | Aromatawai ā-kaiako | ||||||
| Tino pai | He pai | Āhua pai | Tino pai | He pai | Āhua pai | Tino pai | He pai | Āhua pai | |
| Ka taea e au te hanga poro hopi. | |||||||||
| Ka taea e au te whakaahua i ngā panoni ka tūpono ina whakaweratia te hopi, ka whakamātaotaotia rānei. | |||||||||
Whakamātauria te hanga i tāu ake hopi. Hei koha ki tō whānau te hopi. Mā tētahi pakeke e āwhina me ngā wē wera.
Ngā utauta
- He poro nonireka hopi mā, whakatīaho rānei
- He naihi
- He tō
- He kēne, he kōhua tawhito rānei
- He pune
- He hinu hā, pēnei i te rarekakā, te rohi rānei. Ka taea te whakamahi kē i te hinu mānuka, ka hanga wē rānei i tētahi tipu pēnei i te tarata, ka whakaputa i te hā rēmana.
- He paepae mataono tio
- He pepa tunutunu.
Te tikanga
- Tapahia he poro o te hopi nonireka mā, whakatīaho rānei kia moka noa, ka puru i ngā moka ki roto i tētahi kēne, kōhua tawhito rānei.
- Whakaweratia te hopi kia rewa katoa.
- Hoatu kia 10 ngā pata o tō hinu hā ki te hopi rewa, ka kōrori.
- Purua he moka iti o te pepa tunutunu ki roto i ngā wāhanga o tētahi paepae mataono tio. Ringihia te hopi ki runga i te pepa tunutunu. Whakatakotoria te paepae mataono tio i te pāmahana rūma, ka tuku kia mārō haere te hopi.
- Tangohia ngā poro hopi i te paepae mataono tio. Whakamātauria tō hopi. He pai tō hopi ki a koe?
- Whakamāramatia i ahatia te hopi i tō whakaweratanga.
- Whakamāramatia i ahatia te hopi i te whakamātaotaotanga.
- Whakatauritea te hā o tō hopi i te weranga, i te mātaotanga hoki. Inahea i kaha rawa ai te hā?